Um Lifðu betur námskeiðið

Námskeiðið Lifðu betur er byggt á nálgun sem nefnist Acceptance and Commitment Therapy á ensku eða sáttar- og atferlismeðferð á íslensku. Markmið sáttar- og atferlismeðferðar er að bæta líðan, virkni og lífshamingju með því að hjálpa fólki að:

  • Bregðast við hugsunum og tilfinningum á nýjan hátt
  • Verða meðvitaðra um hvað gerist innra með og umhverfis það
  • Skilgreina hvað skiptir það mestu máli og forgangsraða í samræmi við það

Námskeiðið getur gagnast öllum sem vilja bæta og auðga líf sitt.

Lesa nánar

Kynningarmyndband

SPILA MYNDBAND

Lifðu Betur inniheldur:

Myndbands-fyrirlestra

Aðgang í 10 vikur að 8 stuttum myndbands-fyrirlestrum sem útskýra sáttar- og atferlismeðferð á einfaldan og aðgengilegan hátt.

Lesbók

Lesbók um sáttar- og atferlismeðferð (32 blaðsíður) sem fer ítarlega í sama efni og kennt er í myndbandsfyrirlestrunum.

Vinnubók

Vinnubók með fjölda verkefna og leiðbeiningum um hvernig þú getur látið aðferðir sáttar- og atferlismeðferðar virka fyrir þig.

Hljóðskrár

5 hljóðskrár sem leiða þig í gegnum núvitundaræfingar sem tengjast aðalatriðum sáttar- og atferlismeðferðar.

Lesbók, vinnubók og hljóðskrár getur þú vistað í tölvutæku formi og átt til frambúðar.

Á meðan aðgangur þinn er opinn getur þú sent inn fyrirspurnir til sérfræðinga Lifðu betur í sáttar- og atferlismeðferð.

Kaupa námskeið

Hvað er sáttar- og atferlismeðferð?

Sáttar- og atferlismeðferð (SAM) er upphaflega samtalsmeðferð hönnuð af sálfræðingum til að vinna með tilfinningaleg vandamál eins og kvíða og þunglyndi. Yfir 300 klínískar samanburðarrannsóknir hafa sýnt fram á gagnsemi SAM við meðhöndlun fjölbreyttra vandamála. SAM er viðurkennt sem gagnreynt meðferðarúrræði við tilfinningavanda af fjölmörgum fagfélögum og stofnunum, meðal annars af Bandaríska sálfræðingafélaginu (APA). Fræðilegur grunnur SAM kemur frá hagnýtri atferlisgreiningu, hugrænni atferlismeðferð og núvitundarfræðum. Rannsóknir hafa bent til að SAM henti sérlega vel sem netúrræði.

Lesa nánar

Hvernig virkar námskeiðið?

Lifðu betur leiðir þig í gegnum aðalatriði sáttar- og atferlismeðferðar í þremur köflum:

1. Sátt

Þú lærir að þó svo að erfiðar hugsanir og tilfinningar verði alltaf hluti af því að vera manneskja þurfa þær ekki að stjórna ferðinni. Þú lærir að bregðast við hugsunum á nýjan hátt og að gangast við tilfinningum þínum án þess að stjórnast af þeim.

1

2. Vitund

Þú lærir að vera meðvitaðri um líðan þína, hugsanir og langanir án þess að dæma þig eða aðra. Þú lærir að vera meira til staðar, hér og nú, fyrir sjálfa/n þig og þá sem skipta þig máli.

2

3. Virkni

Þú lærir að skilgreina betur hvað skiptir þig mestu máli og að forgangsraða í samræmi við það. Þú lærir að setja þér markmið og að taka skref í áttina að lífinu sem þú vilt lifa.

3

Fræðsla og fyrirlestrar

Lifðu betur býður upp á fræðslu og fyrirlestra fyrir hópa, fyrirtæki og félagasamtök. Endilega hafðu samband ef þú hefur áhuga á slíku.

Hafa samband

Umsagnir um námskeið og fyrirlestra á vegum Lifðu betur

Leikskólar á Austurlandi fengu frábæran fyrirlestur um Sáttar- og atferlismeðerð hjá Lifðu betur á Haustþingi 2017. Frábært námskeið um geðheilbrigði sem snertir alla.

Leikskólar Austurlands

Þetta er rosalega flott námskeið, góð vefsíða og gott efni!

Kona á fertugsaldri úr forprófunarhópi Lifðu betur

Virkilega gott námskeið þar sem gríðarmikið af mikilvægri þekkingu er borin á borð fyrir mann. Innihaldið höfðaði til mín og mér fannst það hjálplegt til að takast á við mínar eigin tilfinningar og lífsgildi.

Karlmaður á sjötugsaldri úr forprófunarhópi Lifðu betur

Mér finnst síðan sjúklega flott! Hún er mjög auðveld í notkun og ég átti ekki í neinum vandræðum. Mér fannst mjög næs að hafa ítarefni við hvern fyrirlestur þannig maður geti strax skoðað meira um efnið. Námskeiðið fannst mér vel skipulagt, augljóst hvernig það á að virka og hvernig fyrirlestarnir og vinnu- og lesbækurnar fylgjast að.

Kona á þrítugsaldri úr forprófunarhópi Lifðu betur

Mjög gagnlegt og flott námskeið. Skýrt og vel uppsett og auðvelt að fara í gegnum vinnubókina og klára verkefnin.

Karlmaður á fertugsaldri úr forprófunarhópi Lifðu betur

Stefna okkar

Markmið Lifðu betur ehf er að auka aðgengi almennings að gagnreyndum úrræðum til að bæta geðheilsu, líðan og lífsgæði með hjálp nútímatækni.

 

Ef þú hefur hugmynd á því sviði eða hefur áhuga á samstarfi við okkur hafðu þá endilega samband.

 

Styrkir

Lifðu betur hefur hlotið uppbyggingar- og þróunarstyrki frá Sóknaráætlun Austurlands og VIRK starfsenduhæfingarsjóði.